ارحب والله ان ترحب في مجلس مرسـ الحب ـول [الأرشيف]


منتديات نهر الشوق > (©°¨¨¨™¤¦نهر الشوق الـرياضـه و الـتـرفـيـه¦¤™¨¨¨°© ) > وناسة في وناسة > ارحب والله ان ترحب في مجلس مرسـ الحب ـول المساعد الشخصي الرقمي مشاهدة النسخة كاملة : ارحب والله ان ترحب في مجلس مرسـ الحب ـول مرسـ الحب ــول 06-01-2006, 02:23 PM السلام عليكم ياشلة نهر الشوق شوقتوني لكم والله اقلطو حياكم الله اشلونكم انا طيب من سالك انت والله اني كني سمعت واحد قال اشلونك هات القهوه ياولد يالربع الي مايحب القهوه ويبي كبتشينو ولا عصيرات يعذرنا نحن ماعندنا الا كيف وعلوم رجاجيل وفلت حجاج وكلام الفلسفه ماهو عندنا اخواني واحبابي اعضاء واداري ومشرفي وزوار المنتدى اسعدني ان انزل موضوع وعسى ان ينال اعجابكم ورضاكم وتجدون فيه المتعه والفائده والترويح عن النفس بعيدين عن الارتباطات وذلك في مجلسي مجلس مرسـ الحب ـول احبتي المجلس يترتب على عدة نقات عسى ان تقيدو بها 1-اي موضوع ينزل بهذا المجلس يجب ان يكون فكاهي 2-حبذا ان اول موضوع ينزله اي عضو هو تعريف بنفسه مزود الملح شوي ولا تذكر انك دكتور ولا طالب بالجامعه الفلانيه ولا سيارتي كشخه ومعي جوال كذا ورقمي مميز ولا سافرت الى الدول الاوربيه خلونا من الفلسفه الزايده 3-التعليق على اي موضوع ينزل بشكل فكاهي 4-ادخل و سولف اسال فرفش علق فضفض عن نفسك 5- عدم مسي اي عضو بكلام غير لايق ولا التعدي على خصوصياته 6-المواضيع الي تحب ان تنزل بهذا المجلس ا-نكت وتكون نكته واحده ماتملالي الصفحه ب-مواقف طريفه حصلتلك ولا حدثت امامك ج-وجه سولك الى اي عضو يوكون السوال نكتي وماهو علمي .......... انا سوفى ابدا اول واحد انا مرسول الحب خريج الئانويه عامه بعد اعاده ثلاث سنوات بتقدير مقبول وكان على وقتها الطلاب يدورون ا اسماهم اول واحد بالمملكه ونى اتمنى ان يكون بعدي واحد مكون اخر واحد على مستوى المملكه والحمدلله صار واحد بعدي وبعد الواسطات تعينت في البلديه ولاتفكرون اني من الي ينظفون الشوارع لا عندي مكتب وكرسي دوار وحاط 13 قلم وكل مادخل علي المدير يقول وش افضل لون عندك بالاقلام على طول اقول الزهري هههههههه وعمري ثلاثون وعليها سنوات ولاني بقايل الحقيقه على شان متقولون شايب امي اسمها عيب عيب اعلم بسم امي ههههههه تقبلو تحيات اخوكم مرسـ الحب ـول الواصل 06-02-2006, 11:09 AM يالله ان تسلمة اقول بس قل تم لا تردنا اقول السحور عندنا بكرة قل تم حنا صايمين وودنا نعزمك على العشاء وتعرف انه اني صايم الاسبوع هذا >>>>>>>>>>>>>>>>>>>>>>>>>>>>>>>>>>>>يبي يصرفه يعرف ان مرسول حق نوم اقول مرسول يوم انك في البلدية وش رايك في ان تدبر لنا ارض ابنيها وابد ما انساك لك شقة فيها وش رايك وش قلت ؟................................................. .................................................. .........................................? موضوع في غاية الروعه يارائع وصاحب القلم الرائع اسعدني الحضور في هذا المجلس الجميل وفي الأخير اقدم شكري العميق على ما يخطة قلمك وتتميز في الجديد دوماً وننتظر منك الجديد تقبل تحيات اخوك الواصل مرسـ الحب ــول 06-03-2006, 11:46 PM اخوي الواصل تشرفنا بنظمامك الى مجلسنا الذي يضي بضيوفه والله اسعد الاوقات ان نرى قلمك بهذي الصفحه والذي نتمى من الجميع الانظمام معنى اخوي مابي اكلف عليك اذا جيت جيب ذبيحتك معك وبنسبه الارض اخوي جاهزه والله ذكرتني بسالفه فيه واحد سمع التقديم في البلديه لمنح اراضي راح وكتب كم معروض وكل مشاف هندي من البلديه ينظف بالشارع عطاه معروض تحياتي اخوي الواصل نهر الغرام 06-04-2006, 12:22 AM الله يسلمك تحيا ودوم يا مرسول الحب صبلي صبلي فنجال ثاني ولا اقول جدد القهوه خلصت وين العشاء ياولد مايصير تعزمنا بدون عشاء <<<<< والله هالنشبه ماصدق احد يعزمه انا من سمعت طاري انك تعزم جيتك وهذا من حبي لك <<<<<< اي هين قصدك العشاء الله يجود عليك اقول كني انعس ودي انام جيبلي فراش وبطانيه وياليت تكون سفنج واذا عندك سرير مايمنع <<<<<<<< ناويها ثلاث ايام يسمع ان الضيفه ثلاث ايام انا طال عمرك عندي شهاده ثاني ثنوي مع الخبره طبعا وماودي اكمل ثالث يقول فيها وزاره وانا ماني قد الوزارات وماخليت باب ماطقيته من الساحل لين الساحل جرتي وااضحه بالسفلت وانت طال عمرك وزير البلديه ابيك توظفني وتدورلي حدا هالمكاتب الفاضيه وتحطني فيها بس هاااه ابي مكتب فيه كرسي دواار <<<<<<< طرار ويتشرط بس لا تصرفني وتقول خلاص هات ملفك وانتظرنا على التلفون مثل الجماعه الله يوسع صدرك يامرسول الحب <<<<<< ليه صدرك كم مقاسه هههه تقبل احترامي مرسـ الحب ــول 06-04-2006, 08:58 PM اخوي نهر الغرام تشرفنا بنضمامك معنا بالمجلس والله يحيك في مجلسنا تقول مجلس ابو حمدان مباقيله الا الربابه انت تعرف تلحن على الربابه عايزين نوضف واحد فيها بشروط ميسره يحمل شهادة فوق المتوسط ومن خريجي شوارع التحليه وله خبره بالجلسات في شارع الفروسيه ويتقدم بمعروض لدينا بالمجلس موضح اسمه الرباعي وسم امه هههههههه اخوي الله يعطيك العافيه على مرورك الرائع ونتشرف بوجودك معنى وننتظر ابداع قلمك بمجلسنا تقبل تحيات اخوك مرسول