السلام عليكم ورحمة الله وبركاته
شخباركم يا اهل الشوق
اليوم جبت لكم قصيدة الجموح
الشاعر/سالم السيار
جمعتها لكم من اليوتوب والاستماع و التحميل
وعساها تعجبكم
اليكم القصيدة..

لعلمك والزمان اللي رماني لك يعلمني
أعز النفس وبصبر الشموخ بدمي ارويها
حسبتك من جروح الوقت والأيام ترفعني
وتحط روحي على كفيك في عز وتداريها
حسبتك راس اكيد الراس للأمجاد ياخذني
ولا فكرت مثلك للوطا عيونه يمشيها
تبي ذلي؟!!.. تهبى لا انت ولا هالوقت يذللني
عيونك للوطا .. وعيني على القمره اضريها
صحيح الشوق لاوراق الرصيف المر يدفعني
وتفاصيل الحنين هناك في بالي اناديها
ولكن توصل لنشوه غرورك ماتقدرني
تحسبني ارد بأشواق عمري لك وأهديها
غريبه كنت احسبنك مع الايام تعرفني
مع انك تدري اني لا بغيت اعميها .. اعميها
صحيح احساسي ضيعني وطيبي حيل بهذلني
ومعك لا ينفع الاحساس والطيبه ومعانيها
واذا في يوم اشواقي تبي عندك توصلني
ومن كفوف الوله تاخذ يديني لك توديها
يمين الله ولا لك غير يمين الله تحلفني
اذا نفسي توصلني لمثلك والله لـ افنيها

×××للااستطلاع ×××
http://www.youtube.com/watch?v=KjAmEnnA5r0

للاستماع او التحميل
http://salemsayar.com/site/d-aljmo7/aljmo7.html (http://salemsayar.com/site/d-aljmo7/aljmo7.html)

وطبعا هو البوم جديد بعنوان ديوان الجموح..
الالبوم موجود هنا
http://salemsayar.com/site/d-aljmo7/index.html (http://salemsayar.com/site/d-aljmo7/index.html)
اذا تريد اي قصيدة من الالبوم فضلا اضغط على القصيدة اللي على الصورة
وطبعا راقت لي قصيدة الجموح جايبها في الصميم
واتمنالكم كل خييير..
بقلمي اخوكم الهوى الغايب..

صح لسانك الهوى
ولسان الشاعر المبدع والمميز سالم سيار
ويعطيك ألف ألف عآفيه على االنقل الرآئــع
والذااائقة المتميزةداائما" ,,,
دمت بــ خ ــير ,,,

هلا انثى
صح بدنك يالغلا
والله يعافيك يارب
اسعدني تواجدك بمتصفحي
عسى الله لايحرمنا منك
اطيب التحيه..

يمين الله ولا لك غير يمين الله تحلفني
اذا نفسي توصلني لمثلك والله لـ افنيها

الله الله عليك ايييش الابداع ذا والله وانكشفت على حقيقتك يالهوى وطلعت ذوق في القصايد
والالبوم جاري لطشه قصيده ورى قصيده ..
تسسسسلم ع المجهود الي مو مستغرب منك يالغلا
اطيب التحايا ..

تبي ذلي؟!!.. تهبى لا انت ولا هالوقت يذللني
عيونك للوطا .. وعيني على القمره اضريها


ياسلاام .. عليك . .. عرفت تختــــــــــــــــــــــــــــآآر ..

مشكوور ويعطيك العافيه .. << جـــآآري التحميل ...

**
الله الله عليك ياالهوىآ
شآعري المفضل آخ ـتيآرك مميز كآتميزك
آشكرك ع ـزيزي لآ حرمنآ الله عطآئك
لروح ـك الكآدي
**

يعطيك ألف عاافيه