http://www.0zz0.com/2006/07/28/366335710.gif

الطفل البريء:
هذا في البيت معاك عال العال لكن تعال شوفه في المدرسة ولا مع أخوانه مسكين كل يوم يضريه واحد و يتوطى فيه إلي يسوى و إلي ما يسوى و كثيراً ما يعاني هذا الصنف من التشوهات المزمنة لأنه ما يدافع عن نفسه
و ننصح بإنك تدخله دورة كاراتيه ولا مصارعة..

الطفل العنيد:
هذا النوع راسه يابس و لو قلت له "آح حار" بيروح يلمسه عناداً فيك لكن صدق أو لا تصدق هذا أسهل صنف ممكن تتعامل معاه..
كل ما بغيت منه شي قول العكس..لا تصلي..لا تتشيطن..لا تاكل..
و هو راح يستجيب لها بالعكس و يبي يسوي اللي في راسك..لكن هو يشكل مشكلة لو كان له أخوان في نفس العمر أو قريب منه لأن راح يحصل تضارب في فيوزاتهم و بعدها يتحول طفلك إلي طفل متبلد المشاعر و يصير ما يستجيب لك ولا لغيرك ولا لنفسه و هاذي حالة مهم تتفاداها..

الطفل المادي:
هذا واحد ما تقدر تتعامل معاه إلا و إنت عندك شي يا حلاو يا علك يا رضاعة..
و هذا بيعاني لما يدخل المدرسة..لأنه بيتوقع فلوس و حلاو من مدرسينه..و تكبر المشكلة لما هو يكبر..لأن لما يبيكبر يبي يطلب أشياء أغلى و هذا النوع بيفلسك..
و الأردى من هذا لو كان(فتـّان) بيسوي لك مشكلة مع الوالد و الوالدة..
لو شافك تعاكس بيقول(بخبر أمي عليك)..
ولا لو سرقت السيارة بيقول( و قسم بخلي أبوي يكفخك)..
و تصير باستمرار تعطيه و تعطيه..
حاول دايماً تفقده الوعي عن طريق الضرب المبرح(ألعن أم الأسلوب)عشان ينسى اللي صار بعد ما يرجع له وعيه..


الطفل المستقوي:
هذا وخر عنه بس جاهز كفوف و بكسات و ترفيس..بيسوي لك أنواع المشاكل مع مدرسته..
و آخرتها لما يكبر ما راح يدخل جامعة..بيروح يشتغل(بودي قارد)حق واحد يبي من يدافع عنه..
و مشكلة لو كان عنده خوات..لأنه بيكلفك لمن يسوي فيهم تشوهات تتطلب عمليات تجميل..
لو عندكك هذا الولد..ارسله العسكرية من يوم تشوف الحالة بدت عنده..

الطفل الدلوع:
هذا مأساة..تلقى كل الناس يسمونه"دلوع الماما"
لدرجة ممكن أمه تخيط ملابسها في ملابسه من كثر ما هو لاصق فيها..لو كانت تبي تروح عرس راح معاها..لو عندها مشوار نشب فيها..
هذا يبدا يسبب مشكلة لمن يصير عمره فوق الـ 15..لأن بيطلع شكله غلط و هو قاعد في حضن أمه..
و مشكلته..أسلوبه بالصياح..تلقاه 24 ساعة صياح و إزعاج و قلق.على أسباب تافهة..
و هذا ينصح في حالته إنك تخيط فمه لأنه بيسويلك أزمة..

الطفل الملسون:
هذا دايماً طرشه مع خواتك لا طلعوا من البيت و خايف عليهم..هذا ممكن يسكت رجّال لو بغى..
ملسون و وقح بشكل..طبعاً من وقت لوقت نرفزه..عشان تشوف شو تعلم من كلمات جديدة..
و لو لقيت وحدة وصخة و مالها داعي..عطه بكس و نضمن لك ما عاد يستخدمها..
بس نذكرك إنه لو زارك عمه ولا جده قال تعال سلّم..لا تستغرب لو قالهم أشياء مثل: (أشتغل عندك انا) ولا (إنت الللي تعال ) ولا حتى ( يا حمار كلمني زين )..
يعني وقح وقح وقح..بس يصلح سياسي..

الطفل أبو رادارات:
هذا النوع انتبه منه..هذا لا عمرك تتكلم أو تسوي تصرف قدامه..هذا لو قعد مع أحد..
فـضّح كل أسرار البيت..ممكن تتطور حالته إلى التجسس..
و صدقني ألعن شي إنها توصل للتجسس على مكالمات أخته مع صديقاتها..
لأن هذا يبي يوّلد مشاكل مالها نهاية..فأحسن شي إنك تقص لسانه..أو تحبسه في غرفة الشغالة لين ما يعقل..
و يقال إنه يتعدى هاذي المرحلة بعد سن البلوغ..فإن شاء الله له حل..
لكن إياك تطنيش الوضع..لأنه يتطور للقافة..حتى بيصير يسأل عن كل شي..

الطفل العلكة:
هذا سمي العلكة كناية عن التلزق..
هذا يستجيب لمؤثرات عديدة:منها:الغترة و الشماغ-العباية-المفتاح-النعال..
لأنه مجرد ما يحس إن أحد في البيت بيطلع على طول يلبس نعاله و يركب في السيارة..
حتى لو ضيوف كانو بيطلعون من بيتكم.. لا تستغرب لو راح معاهم..
هذا لازم في حالته تشتري باتكس و سلاسل حديد..لأنك بتحتاج تلزقه في كرسي ولا شي..
حتى دايماً قبل ما تطلع من البيت طالع في رجولك يمكن يكون لازق عليها..
هذا دايماً يكون فيه علامة مميزة مثل طبعة رجول في وجهه..

http://www.0zz0.com/2006/07/28/366335710.gif

حس التربية لها تأثير كبير في انواع الاطفال


لذلك يجب ان نتعلم كيف تربي ابنائنا قبل ذلك


عزيزتي

الدمعة الحزينة

كل الشكر على ماتم طرحه

تسلم الانامل

لكِ مودتي وحبي

الغاليه الدمعه الحزينه

يعطيك الف عافيه عالموضوع

تسلمي ياارب

الطفل يطلع مثل أهله وحسب طبيعتهم

والأهل هم قدوة الطفل في كل شئ

أختي الغاليه

الدمعه الحزينه

مشكوره على الطرح الرائع

الله يعطيك العافيه


تقبلي أشواقي

تسلم الأيادي .............

يسلموو الدمعه الحزينه

لطرحك للموضوع

ننتظر جديدك

تحيتي

محبك

الله يصبر كل أم على عياااااااااااااااااااااالها

يسلمووووووووووووو
حبيبتي الدمعه
الله يعين بس والله الاطفال جناااااااااااان