Brens ELel
01-23-2011, 12:25 PM
اسمعوني ياساده ياكرام .. قصة حقيقية .. واحداثها مية مية..حصلت وقريتها بكتاب .. اقروها وردولي الجواب..
الاوله ...نصلي ونسلم على ابن عبدالله
.. ولا يحلى الكلام .. الا بذكر النبي عليه الصلاة والسلام..
كان في امير من امراء القاهره"المحروسة"اسمه شجاع الدين الشرزي...
كان بيتعشى عند راجل بالصعيد "شيخ كبير في السن ، شديد السمار ...
واذ دخل عليهم شوية عيال بياضهم ناصع حلوين وامامير جدا .. فسأله الامير عنهم..فرد وقاله دول عيالي من صلبي.. ومامتهم خوجاية وليا معاها قصة ليها هي العجب العجاب...
قاله الامير : احكي ياشيخ...
فقال الشيخ:....
سافرت مره للشام وانا لسه شباب..وكانت ايام الاحتلال الصليبي"الله لا يرجعه"...
استأجرت دكانه..وبعت فيها كتان...
وفي يوم وانا في دكانتي , وبقول على بابك ياكريم...
دخلت عليا خواجاية"ومعاها ست كبيرة"..تقول للقمر قوم وانا اتربع مطرحك....بصراحة جمالها مخولني وتهت فيه..
استنتها لحد اما اختارت اللي هيا عايزاه ... وعند الدفع قلت والله ولا يمكن .. القمر دا مايدفعش دا مني ليكي...
خدت الحاجة ومشت....
وبعد كام يوم ... رجعت تاني لابسه حتت هدوم !!!! حصل نفس الموضوع , وسامحتها بالفلوس ...
وفضلت تعدي عليا كل يوم والتاني .. وانا افتح معاها حوارات .. وكنا انا وهيا اخر انبساط ..
لحد مافيوم طار مني النوم .. وعرفت اني بيها مغروم .. ومقدرش اكون منها محروم...
فرحت قلت للست اللي معاها مين دي؟؟؟؟قالت مرات ظابت كبير في جيش الاحتلال...وانا والدتها.....قلتلها انا مغرم بيها .. ومش قادر ماحلمش بيها .. هاتي هالي عندي في البيت نقعد قعدت انس ....!!!!
قالت انت مش عارف رتبت جوزها؟؟والله لو عرف ما يكفيه رقبتنا احنا التلاته وتلاته وتلاتين واحد من عيلتنا فوق البيعه...
فضلت الح عليها .. لحد اما قالتلي : طب هات خمسين دينار .. وانا اجيبهالك لباب الدار....
وفعلا اشتغلت .. وشقيت .. لحد اما وفرت وكفيت..والمبلغ كمل وباديها حطيت...وماكدبتش خبر وجابتها لحد باب البيت...
قعدنا وضحكنا .. كلنا وشربنا .. لحد ماقرب الليل يفوتنا...
واذ بيا افكر!!!واقول لروحي!!!! "بالزمة مانتاش مكسوف من ربنا ؟؟؟ دنتا غريب وبين اديه وطمعان في كرمه , وبتعصيه كده , عيني عينك , لأ ومع مين وحده خوجاية كافرة؟؟؟؟؟؟؟؟؟
فرفعت راسي للسما .. وقلت "اللهم اني عففت هذه النصرانية حياءً منك وخوفاً من عقابك "
وسبتها وقمت....
تاني يوم .. عدت عليا وهيا غضبانه واثر الزعل باين على وشها .. والله اكنها البدر في تمامه ..
اما شفتها قلت لروحي "ومين تكون انت عشان تزعل القمر دا"؟؟؟؟؟؟؟؟؟؟؟؟؟؟؟؟
لانت ابو بكر ، ولا عمر , ولا طلت حتى شيخ زوية..
وقعدت بحسرتي .. افكر بوحدتي .. لحد ما عدت الست الكبيرة من قدام الدكان..
جريت وراها وقلت لها هاتيهالي تاني ..فقالت والنعمه مانتا شايفها حتى لو دفعت مية .. قلتلها بس كده ! من عنيه ...
وفعلا طلعت عنيا الاتنين لحد ما جمعت الميت دينار .. ودفعتها للعجوزة اللي زي المنشار....
وبالليل ... هلت عليا .. ولا أجمل حورية.. واول ما قعدت قدامها .. اشتد بيا خوف ربنا ومعصيته..
سيبتها زي ماهي ومشيت..
تاني يوم ضربت نفسي بميت مركوب ولا مؤاخذة...اني سبتها ....
ولما شوفت والدتها..قلتلها : هاتي هالي تاني ... فقالت والله ماتشوف ظافرها إلا بـ 500دينار او تموت بحسرتك....
وفعلا بعت الدكانه وصفيت تجارتي ولميت فلوسي من السوق وكملت المبلغ 500 ... مية تنطح مية ... وربنا على الناس المفترية ..
ماعلينا....
واثناء منا بشتغل والم الفلوس واهاتي.. سمعت منادي الاحتلال بينادي (يامعشر المسلمين , ان الهدنه اللي مابيننا وبينكم انقضت .. وعندكم مهله اسبوع)...
فجمعت حالي ومالي وخرجت من الشام وانا رجل ورا ورجل قدام...
وكلي ندم وحسرة على الحب اللي ضاع .....
وتاجرت بعدها بالجواري .. لعل وعسى انسى اللي جرالي.. وفضلت على الحال دا تلات سنين ..
لحد ماحصلت عركة حطين .. اللي انتصر فيها المسلمين.. انتصار مبين ..
وانطلب مني جارية .. باخلاق ومواصفات عالية.. للملك الناصر.. وكان عندي بت حلوة .. فقلت اغامر.. وطلبت فيها ميت دينار ... فدوني تسعين دينار وقالولي خد بالباقي اي بت من السبايا اللي عند الملك...
ولما دخلوهم عليا عشان انقي...لقيتها قدامي ... هيا هيا .. بجمالها .. وسحرها .. حبي القديم..اللي ربنا نجاني من معصيته وبعدني عنها ...
طبعا خدتها حلال زلال ..ماهي بقت ملك يميني...ياسبحان الله كنت هعصيه وادفع على المعصية كل مالي وحلالي...
ودلوقت ملكتها بالحلال بعشرة دينار....
عرضت عليها الاسلام .. وفعلا اسلمت وحسن اسلامها واتجوزتها .. وهي دلوقت ام عيالي وهيا كمان اللي عاملالكم العشاء......
وتوته توته خلصت الحدوته ياترى حلوة والا ملتوته؟؟؟؟؟؟؟؟؟؟؟
اتمنى تكون عجبتكم .. وبالفايدة مدتكم... وقبل ممشي احب اقول .. الكلام دا لاصحاب العقول .. قول من اقوال الرسول...
عليه افضل الصلاة والسلام(من ترك شيئاً لله .. عوضه الله خيرا منه)
العبد قد يختفي من الناس ولكن انى له ان يختفي من الله وهو معه؟؟؟؟؟؟؟؟؟
__________________________________________________ ___________________
تحياتي\
Brens ELel
الاوله ...نصلي ونسلم على ابن عبدالله
.. ولا يحلى الكلام .. الا بذكر النبي عليه الصلاة والسلام..
كان في امير من امراء القاهره"المحروسة"اسمه شجاع الدين الشرزي...
كان بيتعشى عند راجل بالصعيد "شيخ كبير في السن ، شديد السمار ...
واذ دخل عليهم شوية عيال بياضهم ناصع حلوين وامامير جدا .. فسأله الامير عنهم..فرد وقاله دول عيالي من صلبي.. ومامتهم خوجاية وليا معاها قصة ليها هي العجب العجاب...
قاله الامير : احكي ياشيخ...
فقال الشيخ:....
سافرت مره للشام وانا لسه شباب..وكانت ايام الاحتلال الصليبي"الله لا يرجعه"...
استأجرت دكانه..وبعت فيها كتان...
وفي يوم وانا في دكانتي , وبقول على بابك ياكريم...
دخلت عليا خواجاية"ومعاها ست كبيرة"..تقول للقمر قوم وانا اتربع مطرحك....بصراحة جمالها مخولني وتهت فيه..
استنتها لحد اما اختارت اللي هيا عايزاه ... وعند الدفع قلت والله ولا يمكن .. القمر دا مايدفعش دا مني ليكي...
خدت الحاجة ومشت....
وبعد كام يوم ... رجعت تاني لابسه حتت هدوم !!!! حصل نفس الموضوع , وسامحتها بالفلوس ...
وفضلت تعدي عليا كل يوم والتاني .. وانا افتح معاها حوارات .. وكنا انا وهيا اخر انبساط ..
لحد مافيوم طار مني النوم .. وعرفت اني بيها مغروم .. ومقدرش اكون منها محروم...
فرحت قلت للست اللي معاها مين دي؟؟؟؟قالت مرات ظابت كبير في جيش الاحتلال...وانا والدتها.....قلتلها انا مغرم بيها .. ومش قادر ماحلمش بيها .. هاتي هالي عندي في البيت نقعد قعدت انس ....!!!!
قالت انت مش عارف رتبت جوزها؟؟والله لو عرف ما يكفيه رقبتنا احنا التلاته وتلاته وتلاتين واحد من عيلتنا فوق البيعه...
فضلت الح عليها .. لحد اما قالتلي : طب هات خمسين دينار .. وانا اجيبهالك لباب الدار....
وفعلا اشتغلت .. وشقيت .. لحد اما وفرت وكفيت..والمبلغ كمل وباديها حطيت...وماكدبتش خبر وجابتها لحد باب البيت...
قعدنا وضحكنا .. كلنا وشربنا .. لحد ماقرب الليل يفوتنا...
واذ بيا افكر!!!واقول لروحي!!!! "بالزمة مانتاش مكسوف من ربنا ؟؟؟ دنتا غريب وبين اديه وطمعان في كرمه , وبتعصيه كده , عيني عينك , لأ ومع مين وحده خوجاية كافرة؟؟؟؟؟؟؟؟؟
فرفعت راسي للسما .. وقلت "اللهم اني عففت هذه النصرانية حياءً منك وخوفاً من عقابك "
وسبتها وقمت....
تاني يوم .. عدت عليا وهيا غضبانه واثر الزعل باين على وشها .. والله اكنها البدر في تمامه ..
اما شفتها قلت لروحي "ومين تكون انت عشان تزعل القمر دا"؟؟؟؟؟؟؟؟؟؟؟؟؟؟؟؟
لانت ابو بكر ، ولا عمر , ولا طلت حتى شيخ زوية..
وقعدت بحسرتي .. افكر بوحدتي .. لحد ما عدت الست الكبيرة من قدام الدكان..
جريت وراها وقلت لها هاتيهالي تاني ..فقالت والنعمه مانتا شايفها حتى لو دفعت مية .. قلتلها بس كده ! من عنيه ...
وفعلا طلعت عنيا الاتنين لحد ما جمعت الميت دينار .. ودفعتها للعجوزة اللي زي المنشار....
وبالليل ... هلت عليا .. ولا أجمل حورية.. واول ما قعدت قدامها .. اشتد بيا خوف ربنا ومعصيته..
سيبتها زي ماهي ومشيت..
تاني يوم ضربت نفسي بميت مركوب ولا مؤاخذة...اني سبتها ....
ولما شوفت والدتها..قلتلها : هاتي هالي تاني ... فقالت والله ماتشوف ظافرها إلا بـ 500دينار او تموت بحسرتك....
وفعلا بعت الدكانه وصفيت تجارتي ولميت فلوسي من السوق وكملت المبلغ 500 ... مية تنطح مية ... وربنا على الناس المفترية ..
ماعلينا....
واثناء منا بشتغل والم الفلوس واهاتي.. سمعت منادي الاحتلال بينادي (يامعشر المسلمين , ان الهدنه اللي مابيننا وبينكم انقضت .. وعندكم مهله اسبوع)...
فجمعت حالي ومالي وخرجت من الشام وانا رجل ورا ورجل قدام...
وكلي ندم وحسرة على الحب اللي ضاع .....
وتاجرت بعدها بالجواري .. لعل وعسى انسى اللي جرالي.. وفضلت على الحال دا تلات سنين ..
لحد ماحصلت عركة حطين .. اللي انتصر فيها المسلمين.. انتصار مبين ..
وانطلب مني جارية .. باخلاق ومواصفات عالية.. للملك الناصر.. وكان عندي بت حلوة .. فقلت اغامر.. وطلبت فيها ميت دينار ... فدوني تسعين دينار وقالولي خد بالباقي اي بت من السبايا اللي عند الملك...
ولما دخلوهم عليا عشان انقي...لقيتها قدامي ... هيا هيا .. بجمالها .. وسحرها .. حبي القديم..اللي ربنا نجاني من معصيته وبعدني عنها ...
طبعا خدتها حلال زلال ..ماهي بقت ملك يميني...ياسبحان الله كنت هعصيه وادفع على المعصية كل مالي وحلالي...
ودلوقت ملكتها بالحلال بعشرة دينار....
عرضت عليها الاسلام .. وفعلا اسلمت وحسن اسلامها واتجوزتها .. وهي دلوقت ام عيالي وهيا كمان اللي عاملالكم العشاء......
وتوته توته خلصت الحدوته ياترى حلوة والا ملتوته؟؟؟؟؟؟؟؟؟؟؟
اتمنى تكون عجبتكم .. وبالفايدة مدتكم... وقبل ممشي احب اقول .. الكلام دا لاصحاب العقول .. قول من اقوال الرسول...
عليه افضل الصلاة والسلام(من ترك شيئاً لله .. عوضه الله خيرا منه)
العبد قد يختفي من الناس ولكن انى له ان يختفي من الله وهو معه؟؟؟؟؟؟؟؟؟
__________________________________________________ ___________________
تحياتي\
Brens ELel