• لاســــلام •°


لا ســــلام .. ولا وداع .. ولا عـلــيــك
لا اتصـال .. ولا هـمـوم .. ولا ســؤال
بـخـت قلـبـك حــظ جفـنـك يهـتـويـك

يـا اريـش العينيـن بـرمـوش ظــلال
يـا الغـلا وينـك وويـن الـشـوق فـيـك

في حشى يوفي من الشوق اشتعال
روح روحــي يــا مغـاتـي تفـتـديـك

ودي بـقـربـك ولا تـجـفـي .. تـعــال
يا عسى كل شـر يـا خلـي ايخطيـك

ومـن سعـى بالشـر مـن شـره ينـال
اعـتـدي كــل مــن حبيـبـي يعتـديـك

ولـه شهـرت السيـف واعلنـت النـزال
وان سطـع نجـم العـواذل مــا علـيـك

كــل نـجـم لــه بــزوغ .. ولــه زوال
وش بقى في ذا الزمن مالـه شريـك

وفي سؤالي يا هوى بالي سـؤال؟

كلمات سمو الشيخ هزاع بن سلطان آل نهيان
وسلمتم

هذي القصيده مسموعه بصوت سمو الشيخ هزاع بن سلطان آل نهيان
http://www.farsuae.com/music/action....layer&sid=2734


و أنتظروا من الجديد من ولد زايد
والسموحه ان كان مني اي قصور و شكري الخاص لصاحب هذا المنتدى
اخوكم ولد زايد

الله الله الله على الروعه والجمال ,,

الشيخ هزاع غني عن التعريف والله ماقصرت وفيت وكفيت في نقلك الاكثر من رائع يسلم راسك يالشيخ ,,

تقبل خااالص الموده الاحترام ,,

أسير الذكريات