المساعد الشخصي الرقمي

مشاهدة النسخة كاملة : لمحبين حامد زيد

حُ ـلـمً
10-21-2006, 03:55 AM
هذه نبذه عن الشاعر النتألق حامد زيد وبعض قصائده اللي تعجبني

الاسم : حامد زيد سعدون فارس العازمي

مواليد 4/فبراير/1977 للميلاد

الحاله الاجتماعيه : متزوج ولديه ثلاث بنات ( اسماء-ساره-ريم )

حاصل على شهادة دبلوم تجاري من كلية الدراسات التجارية

عضو ديوانية شعراء النبط الكويتية بدرجة شاعر ممتاز

موظف في وزارة الشؤون الاجتماعية والعمل


كانت بدايته الأولى في الظهور عبر وسائل الإعلام من خلال البرنامج التلفزيوني (ديوانية شعراء النبط ) وذلك في أواخر

عام 1996 للميلاد . والبداية الفعلية بالصحافة من خلال مجلة المختلف في احتفالية العدد المؤوي وكان في نوفمبر

1999 للميلاد .

أطلقت عليه العديد من الألقاب من خلال ألصحافه الشعبية الخليجية ومن أهم هذه الألقاب

( قنبلة الشعر, شاعر المختلف, شاعر الشباب, شاعر المطولات, شاعر الخناجر )

وله (6) إصدارات وهم :

ديوان مقروء ويحمل اسم أربع خناجر

والبوم مسموع يحمل أسم شعر حامد زيد

وآخر يحمل أسم السفينة

والإصدار الرابع للشاعر حامد زيد والشاعر خالد المريخي واسمه أمسية هلا فبراير 2004

والإصدار الخامس للشاعر حامد زيد والشاعر سعد علوش واسمه أمسية أبو ظبي

والإصدار الأخير للشاعر حامد زيد وهو ديوان مطبوع باسم يقولون مالا يفعلون

من قصائد التي اعجتني




(غـــــــــــــــرام أحبـــــــــاب)

على ذاك الطريق اللي يسمونه غرام أحباب

وطت رجلي على دربه ولا ادري وش نوى فيني

تبعته لأخر دروبه الين أن القمرقد غاب

تعب قلبي ولا تعبت مسافات(ن) توديني

لقيت الليلة الجرداءهدب وظل وسماء وإعشاب

بعد ذاك الظلام اللي يتوهني عناويني

صدفتك معجبة فيني وباليت الغرام إعجاب

وتريك أنتي الهنوف اللي هقيتك تستحقيني


عطيتك عشق من قلبي وسلمت لغلاك أرقاب

وغيرك يحترق قلبه ولايقدر يحاكيني

انا قبلك صدفة عيون لكن ريش جاب لجاب

ترى كل العيون اللي لفتني مات كفيني

رماني حظي العاثر معك وحيت لق طلاب

ولا انتي اللي عشقتني ولا انتي اللي عتقتني

تعالي وارحمي ذاك الخفوق المولع المرتاب

ماهوب لأجلي عشان الله يجازيك ويجازيني

تعدى في سماء عشقي ولو عشقي خراب أصحاب

وصوني بالهواء نفسك قبل لاانتي تصونني

وشيليني على متنك خفوق باري منصاب

ومن فوق الغرام العذب شيليني وحطيني

وإلا منك هقيتيني شجاع ولا يطيق يهاب

أنا لك بالهواء والله مثلما انتي هقيتني

أنا ممشى وراء غيرك ولو انه يطق الباب

وترى عيب على اطعن ولو كثرة سكاكيني

وهود مايطيق الدم لا داين ولاطلاب

شجاع وعارف(ن) نفسي وأظن انك تعرفيني

غيورماعرفت اضحك مع الغدر فبرود أعصاب

أبيع عيوني الثنتين قبل ما انك تخونيني

وان اشتد الغرام أحط قلبي بين ناب وناب

فرقا تكسر ضلوعي ولاعشق(ن (يوطيني

انا رجل ولي غيره وإذا شفت الهواء كذاب

تثور بقلبي الفزعة ولا تهدا شياطيني

سؤالك لو يزعزع بي كياني ماقبلت عتاب

أجي لك واسألك نفس السؤال اللي سألتيني

عن العشق القديم أبواب تقفيها كثيرأبواب

بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب

وأبي قلب على قلبي وابي دين(ن) على ديني

وأبي نظرة عطا توفي ولا تخلف بدون أسباب

وأبي منك قبل لا انتي تصديني توديني

وأبي درب على العذال صعب ومتعب وغلاب

وأبي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب

حشا ماتنزل الدمعة لغيرك لو تركتيني

أنا أول من عرف قدرك وأنا توي صغير وشاب

وأبي منك مادام انك عرفتـيني تحبيني

مادام أني لقيتك في طريق اسمه غرام احباب

دخيل الله وبعد الله دخيلك لاتخليني

مادام ان كل من يحيا على وجه التراب تراب

عسى تنساني الدنيا مادام انتي ذكرتيني

****************************************

ادلّـعها وأولـعها

بعـد مـا قابلتنـي عاتبوهـا

على شوف الحبايب حاسبوها

.

خذوها وابعدوها غصب عني

وعن وجهة طريقي جنّبوهـا

.

وشالوها عن عيوني غصيبه

عواذل واغصبوني واغصبوها

.

خذوها من يديني شوف عيني

وعن عيني تعدّوا واحجبوهـا

.

كلام وصدقوا بالبنـت كذبـة

وهمّ اللي مـن اول كذّبوهـا

.

وهم وش دخلهم في مال بيّن

لا بوها والخلايـق طالبوهـا

.

وفيّة مـا تخـون ولا تعانـد

جسورة والمواعيد أرعبوها

.

مـلاكٍ كاملـة والكامـل الله

ولكـن العـواذل عذربـوهـا

.

وهي كلما دعتني تشتكي لـي

عن اللي سالفتنـا سرّبوهـا

.

تخاف وتلتفت مع كـل كلمـه

تظـن ان العـواذل راقبوهـا

.

تلفّت من عقب ما هي جريئة

شجاعة ما تهـاب وهيّبوهـا

.

واهدّيها وانـا حايـر وثايـر

مصيبة يـا عـذابٍ عذّبوهـا

.

وهم كلما خذوها عن طريقـي

تراهم صوب قلبـي قرّبوهـا

.

وانا ما تعّبـت قلبـي خيانـه

خيانـه رتبوهـا واحسبوهـا

.

ولا يعجز خفوقـي لا يقابـل

جفا من حاربـوه وحاربوهـا

.

وانا لي عزه تفـرض عليّـه

اخاطب بالجفا من خاطبوهـا

.

واكسر لوحة الماضي وازيلـه

واخرّبها مثـل مـا خربوهـا

.

واذوقهم ندم ما صـار فيهـا

واشربهم من اللـي شربوهـا

.

وادلعهـا واولعهـا بنفسـي

واشرّقها بعـد مـا غربوهـا

.

واعوّضها عن اللي راح كلـه

وعن ذيـك الليالـي كلّبوهـا

.

غلاها بالحشـا لا زال ثابـت

ولو حتـى بغيـري حبّبوهـا
.
وغلاي بقلبها مرّ وتعدى
غلاهـا لامهـا والا ّلابـوهـا

****************************************






.::_امــــــــــــــــي_: :.

قصيـدتـي زاد بعيـونـي جمالـهـا

واخذت انقـي بالمعانـي اجزالهـا

.واكتب معانيها مـن الشـوق والغـلا

لامي وانا اصغر شاعر من اعيالها

.كتبتها فـي غربتـي يـوم رحلتـي

لما طرا لي بالسفر مـا طرالهـا

.امـي وانـا بوصفلهـا زود حبـهـا

وان ما حكيت لها قصيـدي حكالهـا

.امي لهـا بالقلـب والجـوف منزلـة

مكانـة ماكـل محبـوب نالـهـا

.اقرب من ظلالي وأنا وسـط غربيتـي

وأنا تراي اقرب لها مـن ظلالهـا

.ماشافت عيوني من النـاس غيرهـا

ولا خلـق رب الخلايـق مثالهـا

.واكرم من ايدين المزون وهمالهـا

.اتبع ارضاهـا وارتجـي زود قربهـا

واللي طلبته من حياتـي وصالهـا

.الصدق مرساهـا والاشـواق بحرهـا

والعطف واحساس الغلا راس مالها

.اهيـم فيهـا ابتسـم يـوم قلبـهـا

يسأل وأنا قلبي يجـاوب سؤالهـا

.وان اطلبتنـي شـي فزيـت مندفـع

اموت انا واحمـل تعبهـا بدالهـا

.واصبر على الدنيا والاحـزان والتعـب

واحمل على متني فطاحل جبالهـا

واسهر واعذب راحة القلـب بالشقـا

واعيش اعاني بس يرتـاح بالهـا

.تربية ابوي اللي على الطيـب بذكـره

اللـي وهبنـي للحيـاه ومجالهـا

.نورلي ادروبـي وانـا طفـل مبتـدي

حتى تركني واحـدٍ مـن رجالهـا

.الوالديـن أولى بالإحسان لجلهـم

وأولى بتكريم النفـوس وعدالهـا

.اقولهـا وانـا عـلـى الله متـكـل

والله عليم بقدرتـي واحتمالهـا

.ياكلمة اغلـى مـن النـاس كلهـم

ياشمس بقلبي بعيـد زوالهـا

.يافرحة تملي لـي الكـون باكملـه

ياشجرة تكبـر ويكبـر ظلالهـا

.تضحك لي الدنيـا لا شفـت زولهـا

مثل السما تزهى بطلـة هلالهـا

والبعد عنها يا هل العرف ما قـدره

لا شك ناري زايـده باشتعالهـا

.ما اعيش ببـلاد ولاهيب بأرضهـا

ولا ابي اعيوني كان ماهي اقبالها
ارض تدوس أمي بالأقدام رملهـا
أموت فيها واندفن في رمالها

************************* **********

التمـــــــــــــــــــــ ـثال


عفا الله عن خطا غدر الخناجر والضلوع أبطال
باسامح واتركك تحت الظلام الحالك .. الحالك

دخيلك وفر دموعك ترى هدر الدموع اذلال
وترى نافيه احد يصبر مثل صبري بغربالك

أنا عيب على انقض كلامي ,والرجال أفعال
وإذا قلت اقطع حبالك ..تراني بقطع حبالك

عشان اكسب هدب عينك تجرعت العذاب أشكال
وليتك ترأف بحالي علشان ارأف بحالك

مسوي في حياتي شي .. مايذكر ولا ينقال
حتى العدو وأهو العدو .. مايعمل اعمالك

تمسيني على الهم وتصبحني على الغربال
تقلطني فناجيلك .. وتقصر عني دلالك !!

تحملت التعب لاجلك وأنا حملي يهد جبال
رحلت من العذاب .. وماوقفت الا على جالك

علامك كلما أجيك متواضع جيتني تختــال
معاك اليا متى باصبر .. وصبري معك يحلى لك

مثل ما اقبلت لعيونك لزوم تلدلي باقبــــال
ومثل ماقد حشمتك , حس واحشم قلبي اشوالك

انا محد (ن) بجابرني اساير معك هالمنوال
ترى ماني تبيع لك .. ولاني اصغر عيالك

انا جيت اعشقك : نبض ومشاعر , مااعشقك تمثال
انا جيت اسكنك واحياك وابقى فيك , وابقى لك

انا جيت بظما عاشق تعب يطرد سراب اللال
انا جيت استفز رضاك ..من فرقاك والجالك

انا ماهمت بك عاقل انا كنت اعشقك بخبال
انا ماكنت احبك حي .. انا كنت اعشقك ..هالك

تخيل من كثر ماخفت تلقى للزعل مدخال
اخاف اخطي على طيفك وادوس برجلي ظلالك

تبعتك .. والعرب تتبع رعود البارق الهمال
وأنا شفت المطر .. يتبعك في حلك وترحالك

كان اللي خلق حسنك خلقني مع جسدك ظلال
وصرت اقرب جسد يمشي معك بقفاك واقبالك

أبي قلبك يحس انه فقد .. بمحبته رجــــال
ملكته من هدب عين .. وخسرت ارضاه بإهمالك

صحيح أن الفراق أقسى ولكن الوصل محال
وأنا صعب على ارضي غرورك .. واضعف قبالك

بعد ماحققت عيني فبعدك للرقاد امال
اعود للسهر ؟ ياخوي فال الله ولا فالك

ببدل نظرتك فيني .. واجي لك كل يوم بحال
باكون اقرب من ثيابك عليك .. ولا اتهيالك

بالمك ,وانثرك ,واجمعك ,وارجع انثرك باهمال
باخونك ,وازعلك, وارضيك ,وازعل منك وارضى لك

ابرسم بالثرى وجهك .. وابدفن صورتك برمال
ابشكي للعرب فرقاك .. واضحك عند عذالك

ابهديك الوصال :فراق .. واهديك الفراق وصال !
بسوي مثل ماشوفك تسوي ..وافعل افعالك

عشان تعرف من فينا الزعول .. ومن وسيع البال
ابيك تذوق فنجالي .. وأنا بذوق فنجالك

نصيحة احتفظ فيها قصر معك .. الزمن أوطال
ابي تسمع كلامي زين .. وتحطة عـــلى بالك ..

اذا حبك اهبال أطفال .. لك عندي هبال أطفال
ولا .. وابشر بعد بهبال حب ماهو بهـــبالك

اذا قصدك تهين اســـمي عشان تشمت العذال
ترى لا انته ولا غيرك .. ولا عشرة من اشكالك

أتمنى انه يعجبكم واي احد عنده قصيده للشاعر حامد لا يتردد يضيفها

ولكم حبـــــــــــــــي

ميمي الحلوووووه
X-ZooM
10-21-2006, 04:08 AM
مشكووووووووورة ميمي على الموضوع ...


حامد زيد شاعر مافي كلام .. بس فيه عيوب ..


من ظمنها أنه يقعد يكتب قصيدة الين تخلص المردفة (الكلمات) ..


يعني بالعربي يطول بالقصيدة بس كذا ..!!
حُ ـلـمً
10-21-2006, 04:42 AM
انا احب قصيده
علشان كذا اشوفها عادي
مشكور سلطان لمرورك المميز
ربي يسعدك ويخليك
كلك ذوووووووق
لك كل الحب والود
ميمي الحلووووه
صـــادق الاحـسـاس
10-21-2006, 06:34 AM
اماسي


ايها المبدعه الراقيه


ابداع هطل علينا من سماء الأبداع


لاهنتي يالغلا :)


على الأطراء الأكثر من الرائع



دمتي متألقه


اخوك
حُ ـلـمً
10-21-2006, 06:39 AM
احساس عاشق
مشكووور على مرورك
الاكثر من روووعه
الله يسعدك ويخليك
لك تحياااااااتي
حُ ـلـمً
10-21-2006, 10:20 PM
ووووووين حبايب
حامد زيد والله غريبه
بقايا روح
10-21-2006, 11:10 PM
أشكر اختي المبدعه ميمي الحلوة



http://www.7mml.com/uploads/6e6e4c7409.gif
حُ ـلـمً
10-22-2006, 01:31 AM
العفو ام نوفه
الشكر لكي لمرورك
لكي تحيااااااااااتي