توديع الاحباب قاسي والزمن قاسي ..
جيتك بودعك قبل إنك تودّعـنا ..
ماني بناسيك دامك منت لي ناسي ..
لا بد الايام وان طالت ترجعنا ..
تغيب واحساس شوقك يشبه إحساسي ..
تغيب والحزن ما فارق مدامعنا ..
يا كثر حزنا على درب الشقى راسي ..
انا اخفي الحزن وسيوفه تقطّعنا ..
احيان افكّر بحراسك وحراسي ..
واشياء كثيرة توقّفنا وتمنعنا ..
واحيان اصوّرك في شعري وكرّاسي ..
وارسم ملامحك في صفحات واقعنا ..
عايش اجاهد واكابر فيك وآقاسي ..
وانسج احلام التلاقي في روايعنا ..
واحس موت الغرام يقطّع انفاسي ..
موت الغلا إللي ضحى الفرقا يروّعنا ..
عليك يا جرح تفكيري وهوجاسي ..
سود المقادير بالكفين تصفعنا ..
من غبت يا من تشيل الهم ونعاسي ..
احس ما للحياة بدنيتي معنا ..

الاخ الغالي...بااهي

كلمات رائعة جدا
قرأت وشعرت بكل نبضه داخل الحروف
وهذا دليل علي رُقي الإحساس
وصدق المشاعر

فأهنئك علي كلماتك الرائعة هذه





ودُمت بكل بخير

*
*
*
*
*
*

أبتسم له ودمعتي فمحجـر العيـن خايفـه
أعاند دمعي لكن في وداعـه هـل ّ وذرف

أموت قبل أشوف رسم الحزن على شفايفه
يهون موتي بس عيونـه بالـوداع لاتـرف

أحس في غيابه كل بسمة ٍ بالكـون زايفـه
أحس لامن غاب حبيبي مال كوني وانحرف

أضيع بلهفتي وانـا ماغيـر طيفـه شايفـه
بس اتبع خياله بعيون الأمل لين انصـرف

مابيـن حقيقـة واقعـي والحلـوم النايفـه
اعترفله بحبي وهمس ذكراه لـي اعتـرف

لعيونـه حتـى الوقـت وثوانيـه طايفـه
أسابق الأيام هاوي إلين صـرت محتـرف

مشتاق له وقلبـي بالولـه زادت حسايفـه
ابطا ولحظاتنا سيل فيهـا العمـر انجـرف

باااهي يسلمكـ ربي على كلماااتكـ
الرااائعه وألى الأمااام دومآ
دمت بحب

الغالية حنين ..

كلمات الإطراء منك .. سااااااحرة ..

وإشادتك محل شكري وتقديري ..

دمتي رائعة ..




باهي الخد

أميرة الورد ..

اعتقد أنني ومن خلال ابياتك المكتوبة اعلاه .. أنني اكتشفت متذوقه رائعة للشعر ..

ردك بمثابة رائحة العووود الزكية على ما كتبت ..

لك ودي ..




باهي الخد