دحماني
03-19-2006, 07:39 AM
مكرفون المسجد والدوريه
--------------------------------------------------------------------------------
سلام عليكم
والعون والعون
هاذي قصه واقعيه من مذكراتي صارتلي يوم كنت في المتوسط وكنت الله المستعان ماأتسمع إلا غربي دسكو وروك اند رول وراب وهيب هوب
المهم كان عندي استريو ابو بابين وسماعات مايقدر يشلها الا اثنين من المصارعين وكان عندي شريط في اوله اصوات دوريات
والله وسجله في شريط جديد واعيد المقطع الين امتلا الوجه الاول
واجي بعد صلاة العصر بعد ماصلينا وتقهوو الشيبان كل العاده عند المسجد وخطرو السوق وفضيلي الجو هنا ساعة الصفر
وكان المسجد على الشارع والله وجيكم وامتلخ المكلرفون من المسجد الين قعتبه برى واوصل سلك كهرب للاستريو بجنبي واشغل المكرفون عند السماعه وكل ماعدا واحد من عند المسجد شغلت الشريط ام صحت في المكرفون
(على جنب ياراعي السياره)
وإذا وقف صحت عليه
(لاتنزل من السياره الين يجيك العسكري وجهز الرخصه والاستماره)
والله ماجاء المغرب الا ماعند المسجد تقول معرض من كثرة السيارات اللي وقفها الجندي المجهول الفتيحاء
واخذتني العزة بالاثم وانسى اذان المغرب وتعرفون شيبانا الله يعطيهم الصحه والعافيه يجون قدام الصلاة بربع ساعه والا الفتيحاء متحظنن المكرفون والمسجل في حرم المسجد والسيارات تحت المسجد كنها معارض عبد اللطيف جميل
طبعا اخر شيء شفته بعد ماجو الشيبان جنبيه تحت كرش واحد منهم وعيونكم ماتشوف الا النور ماصحيت الا اليوم الثاني عاد كل عضو فيني يشكي من الثاني
ومن بعدها يشوفوني الشيبان حول المسجد وجللللللللللد على طول
وذا مايلحق يحذف
هوعيدي ذلحين خلو زمان فكنت خبل
عيدي ترليييييييييييييون
واشكر العيون الدامعه على التوقيع اللي في قلبي
--------------------------------------------------------------------------------
سلام عليكم
والعون والعون
هاذي قصه واقعيه من مذكراتي صارتلي يوم كنت في المتوسط وكنت الله المستعان ماأتسمع إلا غربي دسكو وروك اند رول وراب وهيب هوب
المهم كان عندي استريو ابو بابين وسماعات مايقدر يشلها الا اثنين من المصارعين وكان عندي شريط في اوله اصوات دوريات
والله وسجله في شريط جديد واعيد المقطع الين امتلا الوجه الاول
واجي بعد صلاة العصر بعد ماصلينا وتقهوو الشيبان كل العاده عند المسجد وخطرو السوق وفضيلي الجو هنا ساعة الصفر
وكان المسجد على الشارع والله وجيكم وامتلخ المكلرفون من المسجد الين قعتبه برى واوصل سلك كهرب للاستريو بجنبي واشغل المكرفون عند السماعه وكل ماعدا واحد من عند المسجد شغلت الشريط ام صحت في المكرفون
(على جنب ياراعي السياره)
وإذا وقف صحت عليه
(لاتنزل من السياره الين يجيك العسكري وجهز الرخصه والاستماره)
والله ماجاء المغرب الا ماعند المسجد تقول معرض من كثرة السيارات اللي وقفها الجندي المجهول الفتيحاء
واخذتني العزة بالاثم وانسى اذان المغرب وتعرفون شيبانا الله يعطيهم الصحه والعافيه يجون قدام الصلاة بربع ساعه والا الفتيحاء متحظنن المكرفون والمسجل في حرم المسجد والسيارات تحت المسجد كنها معارض عبد اللطيف جميل
طبعا اخر شيء شفته بعد ماجو الشيبان جنبيه تحت كرش واحد منهم وعيونكم ماتشوف الا النور ماصحيت الا اليوم الثاني عاد كل عضو فيني يشكي من الثاني
ومن بعدها يشوفوني الشيبان حول المسجد وجللللللللللد على طول
وذا مايلحق يحذف
هوعيدي ذلحين خلو زمان فكنت خبل
عيدي ترليييييييييييييون
واشكر العيون الدامعه على التوقيع اللي في قلبي