حـي القصيد إللي يجيبك من اهناك ..
إمّا فضحتك شوق وإلاَ سترتك ..
إلــزم حدودك .. واستخر .. واقصر اخطاك ..
منت من اهلها .. لو عليها شكرتك ..
ماهو بخل .. ميـر اسرفت بي خطاياك ..
كن الكـرم لا من خطيت .. وعذرتك ..
مـاهو ردى .. مـيـر ازعجتني سواياك ..
جـاوزت حد السـالفة .. وانتظرتك ..
مـاهو أنــا .. هذا خفــوقـي تباطاك ..
وإلاّ انت تدري قبـلهـا مــا جبرتــك ..
ربحــتك .. وقلت العمر كلّـه افداك ..
لو انـي ادري من ربـحتك .. خسرتك ..
تخـنقنـي العبـرة لـيا قلت بنســـاك ..
مــاهو بذنـبي لا نسيت .. وذكرتــك ..
عـيب الغرام إنّــه رمــاني وخلاك ..
كم ليلةِ لا غبت عنـي سهرتك ..
لـيا بغيتك خابرٍ وين بلقاك ..
بـين الجوارح من غلاتــك .. سهرتك ..
الحب جايـــبني من اقصاي لقصاك ..
يا ليـتني من قبل اجيك .. إختـصرتـك ..
أهديـتني .. لكـن جروحك هدايــاك ..
هذا وانا الـلي فــي حنانـي غمــرتــك ..
على الوعد .. وإلاَ نسيت الوعد ذاك ..
وكـاد مــا عمري جحدت ونكرتـك ..
هنـــاك .. لو تدري وش اهناك وهناك ..
إمــــــــا فضحك الشعــر .. وإلاّ سترتك ..